لــو أنـتـا رئـيـس الـجـمـهـوريـة, هتعمل أية؟؟؟؟؟؟

حقيقى يا جماعة انا فكرت فى الموضوع دة يمكن احنا مش فى ايدينا نحقق حاجة لانة غصب عننا، نقول [يمكن]....مش عارف
انا عن نفسى كنت بقول انا لو رئيس جمهورية اول حاجة هعملها التعليم مش هقول وحش ولا حلو، حرام طفل ملاك يشيل شنطة فوق الخمسة كيلو، ولا شبح الثانوية العامة اللى بيهدد امن كل بيت واللى ينتحر واللى يهرب ...على اية مش عارف؟.
ارجع واقول لاء انا لازم اظبط الطرق والمواصلات، كل يوم ناس بتموت مالهاش ذنب، طيارات بتقع، قطارات تتحرق، عربيات بتخش فى بعض.
ارجع واقول لاء اضبط الصحة الاول ناس كتير تعبانة، اللى مش لاقى يتعالج ولا حتى يعمل عملية.
ارجع واقول لاء أكافح البطالة، حرام شاب يبقى عندة فوق التلاتين ولسة ما اتجوزش، لسة ما اتعينش لسة ممعاهوش ربع جنية.
ارجع واقول التموين الناس تاكل
ارجع واقول لاء ولاء .........وكتير !!
انتوا اية رأيكم ؟
لو انت رئيس جمهورية تعمل اول حاجة اية؟؟؟؟؟؟؟؟؟!!!!!